يا سلام يا ولاد
عايشين ف أمان والحالة تمام
وحزمنا مرخي وكل شوية يرخي كمان
ودا مش م الجوع ولامالدوخان
وبالاش توقيع أصل انا غلبان
يا سلام ياولاد
دا نعيم رضوان
وحياة الغالية نعيمة مراتي اللي انا خدتها محو الأمية
عشان تتعلم فيه الحرية
بلادنا تمام والنبي يا ولاد
مش ناقص منها الا الحرامية
يا سلام يا ولاد
داسلامنا خيار
وخيارنا دا نار اللي ينرفزنا بضرب النار
قلنا استراتيجي
قالولنا هزاار
قلنالهم بهه
عارفين ان دا كان كله هزار
يا سلام يا حمار
مع انك شايل هم كبير عايش مرتاح البال فرحان