يدها على خدها .. حسبي الله على خدها
حاطه يدها على دفـا خدّهـا وبغرور تناظـر وبنص عيـن
منغرّه بحلاها ميـن قدّهــا معاهـا حق تنغر بهالزيــن
أنا فكرت ألتمس مـن ودّهـا قلت أبـي أسألهـا سؤاليـن
مشيت وأسئلتـي أردّدهــا عشان مـابي أنحرج بعديـن
ويوم شفتهـا ذبت في خدّهـا ليـن راح سؤالي مدري ويـن
دخت منها يلعـن أبو جدّهـا وقلت والله انـك تعذبيــن
أنـا ارتبكت وخوفي شدّهـا لا وما سكت قلتهـا مرتيـن
وقتها ارتجفت وخفت صدّهـا انحرجت وموقفي صار شيـن
أنا مدري ليه رحت عندهــا وليه أنــا نسيت السؤاليـن
ومدري ليه ماجاني ردّهــا وليه أنـا بس قلت كلمتيـن
ليه على الإحراج أحِدّهــا أنا لحين أودّي وجهي ويـن
بسرعه قبل لا توصل حدّهـا خلينـي أعتذر لها الحيـن
وأقولّهـا اني مـا أقصدهـا ويخـلق من الشبه أربعيـن
وحسبي الله عـلى خدّهــا وحسبي الله على السؤاليـن
التسجيل السريع إلى المنتدى
10-May-2007, 04:39 PM
يدها على خدها .. حسبي الله على خدها 
العرض العادي
